Нұр-Сұлтан, BAQ.KZ. Қазкидромет 15 ақпандағы ауа райының қолайсыздығына байланысты еліміздің бірнеше облысында дауылды ескерту жариялады.
Ақмола облысының кей жерлерінде тұман, көктайғақ, жаяу бұрқасын күтіледі. Оңтүстік-батыстан, оңтүстіктен жел соғады, күші кей жерлерде 15-20 м/с күтіледі. Көкшетау қаласында жолдарда көктайғақ болады. Оңтүстік-батыстан, оңтүстіктен жел соғады, түнде екпіні 15 м/с жетеді.
Қызылорда облысының кей жерлерінде тұман түседі. Қызылорда қаласында тұман болады.
Батыс Қазақстан облысының кей жерлерінде тұман түседі. Түнде облыстың шығысында жаяу бұрқасын күтіледі. Батыстан, оңтүстік-батыстан жел соғады, күші түнде кей жерлерде 15-20 м/с. Оралда түнде және таңертең тұман түседі.
Қостанай облысының кей жерлерінде тұман, көктайғақ, жаяу бұрқасын күтіледі. Оңтүстік-батыстан, оңтүстіктен жел соғады, күші кей жерлерде 15-20 м/с жетеді. Қостанай қаласында күндіз жаяу бұрқасын соғады.
Солтүстік Қазақстан облысының басым бөлігінде қар күтіледі. Кей жерлерде жаяу бұрқасын, көктайғақ болады. Оңтүстік-батыстан жел соғады, күші 15-20, кей жерлерде екпіні 25 м/с жетеді. Петропавл қаласында жаяу бұрқасын, көктайғақ болады.
Қарағанды облысының кей жерлерінде тұман түседі. Қарағанды қаласында түнде тұман болады.
Жамбыл облысында кей жерлерде тұман болады. Таразда кей уақытта тұман түседі.
