Атыраудағы қатыгез төбелес: Жасөспірімдер қатарластарын аяусыз тепкілеген

Биыл сәуір айында Атырау облысының Жылыой ауданында жасөспірімдердің қатысуымен оқыс оқиға болған.

Бейнекадрларда жасөспірімдердің екі қатарласына кезекпен жұдырық жұмсап, тіпті жүгіріп келіп тепкені көрінеді.

Өңірлік полиция департаментінің хабарлауынша, құқыққа қарсы әрекеттерге қатысы бар 13-14 жастағы барлық кәмелетке толмағандар анықталған.

Жасөспірімдер заңды өкілдерімен бірге полиция бөлімшесіне жеткізілді, – деп хабарлады ведомство редакция сауалына берген жауабында.

Полиция мәліметіне сәйкес, төбелеске қатысушылар ішкі істер органдарының профилактикалық есебіне алынған.

Жиналған материалдар тиісті шара қабылдау үшін Кәмелетке толмағандардың істері және олардың құқықтарын қорғау жөніндегі комиссияға жолданды, – деп нақтылады полиция өкілдері.

Сондай-ақ кәмелетке толмағандардың ата-аналары балаларды тәрбиелеу, оқыту және асырау міндеттерін тиісінше орындамағаны үшін әкімшілік жауапкершілікке тартылғаны атап өтілді.

Еске салсақ, бұған дейін Астанада дамуында тежелісі бар оқушыны сабақтан кейін соққыға жыққанын хабарладық.

Тағы оқи отырыңыз: Саксофон ойнаған балаға оқ атқан: Санкт-Петербургте Қазақстан тумасы ұсталды 

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Atyrau vibe (@atyrauvibe)