Нұр-Сұлтан, BAQ.KZ. Атырауда үш күнде құқық бұзған 106 жасөспірім әкімшілік жауапкершілікке тартылды, деп хабарлайды облыстық полиция департаментінің баспасөз қызметінен.
Полиция қызметкерлері Атырау қалалық білім бөлімінің мамандарымен бірге "Жасөспірім" жедел-алдын алу шарасын өткізді. Үш күндік рейд барысында 107 әкімшілік құқық бұзу фактісі анықталды. Осыған байланысты 106 жасөспірім әкімшілік жауапкершілікке тартылды, - делінген полиция департаментінің баспасөз хабарламасында.
Сондай-ақ ювеналды полиция инспекторлары 96 қолайсыз отбасымен, ішкі істер органдарының профилактикалық есебінде тұрған 41 жасөспіріммен түсіндіру жұмыстары туралы жиын өткізді.
