Нұр-Сұлтан, BAQ.KZ. Кеше «Амангелді» өнеркәсібі балықшылары кіші Дамбы тартымынан салмағы 118 келі болатын қорытпа балығын аулаған, деп хабарлайды Атырау облыстық коммуникациялар қызметі.
Қазіргі уақытта алып балық «Жайық Атырау бекіре» зауытына тапсырылды. Жынысы мен жасы анықталу үстінде.
Айта кетейік, бекіре тұқымдас мұндай балықтар сиреп бара жатқандықтан Қызыл кітапқа енгізілген. Бүгінде тек ғылыми-селекциялық бағытта ғана ауланады.
