Сарайшық қалашығындағы көне қорымдар судың басуынан қорғалған, деп жазады BAQ.KZ.
Бұл жөнінде Сарайшық ауылдық округының әкімі Жаннат Кенжеғалиева хабарлады.
Бүгінгі күнге Сарайшық ауылындағы жағалау бекіту жүмыстары 100% аяқталған. Қорғаныс бөгеттерінің жалпы ұзындығы 13,6 шақырымды құрайды. Олардың 5,4 шақырымы ескі жалдар болса, 8,2 шақырымы жаңадан салынған.
Барлық ескі қорымдар мен Сарайшық қалашығындағы археологиялық қазба орындары биіктігі 2,5 м дамбамен қорғалған. Сарайшық сапар-орталығының айналасындағы қорғау қоршауы да жаңартылды, - деді Кенжеғалиева.
