Нұр-Сұлтан, BAQ.KZ. 2020 жылғы 15 қазанда сағат 18.58-де Атырау облысында қамыстың жануы жойылды. Өрттің ауданы анықталуда. Бұл туралы ҚР ТЖМ баспасөз қызметі хабарлады.
Өртті сөндіруге Атырау облысы ТЖД-ның 49 қызметкері, 7 техникасы мен «Қазавиақұтқару» АҚ тікұшағы жұмылдырылды. Жануды жою кезеңінде тікұшақ 87 тонна көлемінде 29 рет су шашты - делінген хабарламада.
Естеріңізге сала кетейік, 10 қазанда күндіз Атырау қаласының Кеңөзек ауылдық округінде Каспий теңізі жағалауының батпақты жерінде қамыс өртенді. Жану ошақтары анықталғаннан кейін дереу күштер мен құралдар жіберілді. 5 күн бойы өрт сөндірушілер желдің күшеюіне, сондай-ақ батпақты жермен және өсімдіктердің қалың өсуіне байланысты қиын жағдайларда отпен күресті.
Техниканың өту қиындығына байланысты жануды сөндіруге құтқару авиациясы пайдаланылды және аспалы өрт сөндіргіштер мен шартылдақтардың көмегімен жүзеге асырылды.
