Атырау облысының Жылыой аудандық соты кәмелетке толмаған баланың өліміне әкеп соққан жол апатына қатысты қылмыстық істі қарады, деп хабарлайды BAQ.KZ тілшісі.
2025 жылғы 7 шілдеде Құлсары қаласында автобус жүргізушісі жол жиегіндегі белгіні елемей, кәмелетке толмаған бала басқарған мотоциклмен соқтығысқан. Соның салдарынан жасөспірім ауыр жарақат алып, есін жимастан ауруханада көз жұмған.
Сотталушы ҚК-тің 345-бабының 3-бөлігімен кінәлі деп танылып, оған 5 жыл мерзімге көлік құралдарын басқару құқығынан айыра отырып, 2 жыл 6 ай мерзімге бас бостандығынан айыру жазасы тағайындалды, - деп жазылған Жылыой аудандық сотының хабарламасында.
Сот үкімі заңды күшіне енген жоқ.
