Асыл тұқымды сиыр мен қой сатып алуға жеңіл несие беріледі

Ауыл шаруашылығы министрлігі мал шаруашылығын дамыту үшін жеңілдетілген несиелер берілетінін мәлімдеді, деп хабарлайды BAQ.KZ тілшісі.

Мал шаруашылығының ет бағыты бойынша асыл тұқымды ірі қара мал және ұсақ қара малды сатып алуға жеңілдетілген несиелеу бағдарламасы іске қосылады. Жылдық мөлшерлемесі 5%-дан аспайтын "ұзақ мерзімді" несиелер ұсынылады. Қаржыландыруға деген қажеттілік – 50 млрд теңге. Сол көлемде  50 млрд теңге  айналым қаражатын қаржыландыру бағдарламасы да іске қосылады.  Жылдық мөлшерлеме 5%-дан аспайды, - дейді Ауыл шаруашылығы министрі Айдарбек Сапаров.

Еске салайық, бұған дейін Үкімет отырысында Сапаров еліміздегі мал басының артып келе жатқанын айтқан еді.