Астрахань жолының 60 шақырымы жақында ашылады

Нұр-Сұлтан, BAQ.KZ. «ҚазАвтоЖол» ҰК» АҚ биыл Астрахань жолындағы төсемнің төменгі қабатымен көлік қозғалысына рұқсат беру жоспарланғанын хабарлады. Бұл туралы azh.kz жазды.

Бұл Құрманғазы ауданындағы РФ шекарасынан бері 833-893 учаскедегі 60 шақырым.    

Аталған учаскеде 12 көпір салынып, 22 су өткізу құбыры салынады. Құрылыс жұмыстарын «СинеМидасСтрой» БК» жүргізеді, техникалық қадағалауды «Тико-1» және «ZS Engineering» компаниялары жүзеге асырады.

Айта кетейік, аталған жол учаскесін қайта қалпына келтіру жұмыстарының құны 23 млрд теңгеге жуық. Ал Атырауға дейінгі жолдың қалған бөлігінде дайындық жұмыстары жүргізілуде.