Нұр-Сұлтан, BAQ.KZ. "ҚазАвтоЖол" ұлттық компаниясы ауа райының қолайсыздығына байланысты төрт облыста республикалық маңызы бар жолдардың жабылғанын хабарлады.
Ақмола облысында боранға байланысты көліктің барлық түрі үшін бірнеше тас жолда қозғалыс шектелді. Олар:
Екатеринбург – Алматы тас жолының 1291-1353 шақырымдағы учаскесі (Жібек жолы кенті – Қарағанды облысының шекарасы);
Екатеринбург – Алматы тас жолының 1275-1291 шақырымдағы учаскесі (Нұр-Сұлтан қаласы – Жібек жолы кенті).
Екатеринбург – Алматының 1003-1247 шақырымдағы учаскесі (Атбасар қаласы – Нұр-Сұлтан);
Нұр-Сұлтан – Ерейментау – Шідерті тас жолының 16-200 шақырымдағы учаскесі (Нұр-Сұлтан – Павлодар облысының шекарасы);
Нұр-Сұлтан – Петропавл тас жолының 18-231 шақырымдағы учаскесі (Нұр-Сұлтан – Щучье қаласы).
Шығыс Қазақстанда облысында Алматы – Өскемен тас жолының Аягөз бен Қалбатау арасындағы учаскесі жабылды.
Қарағанды облысында екі жол учаскесі жабылды. Олар:
Екатеринбург – Алматы тас жолының 1291-1353 шақырымдағы учаскесі (Ақмола облысы – ПВП Теміртау);
Екатеринбург – Алматының 1426-1446 шақырымдағы учаскесі (ПВП Теміртау – Темиртау қаласы);
Ал Павлодар облысында Нұр-Сұлтан – Ерейментау – Шідерті тас жолындағы Ақмола облысының шекарасы мен Шідертінің арасы жабылды.
