Қыс мезгілі басталғаннан бері Астанадан миллион текше метрге жуық қар шығарылды, деп хабарлайды BAQ.KZ.
Астананың коммуналдық қызметтері аязға және қолайсыз ауа райына қарамастан, қаланы қар мен мұздан тазарту бойынша тәулік бойы үздіксіз жұмысын жалғастыруда. Олар күн сайын жүздеген жүк көліктерімен қар шығарады, деп хабарлайды Астана әкімдігінің ресми сайты.
12 желтоқсандағы күндізгі ауысымда қала көшелеріне қар тазалауға 2,6 мыңнан астам жол жұмысшысы мен мыңнан астам арнайы техника шықты.
11-інен 12 желтоқсанға қараған түнде елордадан 410 рейспен 5 мың текше метр қар шығарылды.
Қыс мезгілінің басынан бері қаладан 76 881 рейспен 977 мың текше метр қар шығарылды.
Ережеге сәйкес, ең алдымен, қалада кептеліс болмас үшін өте қарқынды қозғалыс учаскелері тазаланады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады.
Орталық көшелерде, жолаушылар көлігі маршруттарында, аялдамалар мен тротуарларда тазалау басымдыққа ие.
Елордада бірнеше жабдықталған қар полигоны жұмыс істейді. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылған, жарықтандыру қосылған.
Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарлардан бас тартуды сұрайды.
