Астанада өткен түнде қар мол жауды. Коммуналдық қызметтер тәулік бойы күшейтілген режимде жұмыс істеп жатыр, қар тазалау жұмысы үздіксіз жүргізілуде, деп хабарлайды BAQ.KZ.
29 қаңтар күні таңертең елордада қар тазалауға 2 629 жол жұмысшы мен 1 789 арнайы техника шықты.
29 қаңтарға қараған түні коммуналдық қызметтер қаладан 44 мың текше метрден астам қарды 3 539 рейспен алып шықты.
Қыс мезгілі басталғалы полигондарға 4,28 млн текше метрден астам қар 337 617 ауыр жүк рейсімен шығарылды.
Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз. Төтенше жағдай туындаған кезде «112» нөміріне хабарласыңыз, - делінген хабарламада.
Айта кетейік, қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, онда бейнебақылау камералары орнатылып, жарықтандыру қосылған.
