Астанада волонтерлерге арналған оқыту курсы өтті, деп хабарлайды BAQ.KZ.
Астана қаласында "Байқымыз" гастрофестивалі аясында волонтерлерге арналған арнайы оқыту курсы ұйымдастырылды.
Бұл курс – аталмыш фестивальде "Ауыл" партиясы атынан волонтер ретінде қатысатын жастарға арналды.
Курстың негізгі мақсаты – жастардың қоғамдық белсенділігін арттырып, оларды әлеуметтік бастамаларға белсене араласуға ынталандыру.
Оқыту барысында волонтерлік салада мол тәжірибесі бар әлеуметтік жобалар маманы Бекназар Қазиев қатысушыларға бағыт-бағдар беріп, волонтерліктің маңызы мен негізгі міндеттері туралы жан-жақты ақпарат ұсынды. Сонымен қатар, ол өзі жетекшілік еткен бірқатар әлеуметтік жобалардан нақты мысалдар келтіріп, жастардың сұрақтарына жауап берді.
Бұл бастама – жастарды азаматтық белсенділікке тартуға және қоғамдық өмірге араласуына ықпал ететін маңызды қадам ретінде бағаланды.
