Астанада "Сатып алу құқығымен жалға берілетін тұрғын үй" бағдарламасы бойынша конкурсқа қатысуға өтінімдер қабылдау басталды, деп хабарлайды BAQ.KZ.
Астана қаласының Тұрғын үй орталығы 2024 жылғы 4 қыркүйектен сағат 9:00-ден бастап 2024 жылғы 10 қыркүйекке сағат 23.59-ға дейін «Елорда Жастары» жеңілдікті кредиттеу бағдарламасына қатысуға өтінімдерді қабылдау басталды, - делінген хабарламада.
Өтінімдерді қабылдау электронды түрде birge.astana.kz. порталы арқылы жүзеге асырылады.
Бұл бағдарлама «Отбасы банк» АҚ арқылы елордада бастапқы/қайталама нарықта өз пәтеріңізді сатып алуға мүмкіндік береді.
Бағдарлама бойынша Банк беретін кредиттік қарыздар саны - 75.
Бағдарламаның Шарттары:
— қарыздың ең жоғары сомасы – 18 млн. теңге;
— бастапқы жарна – 10%;
— қарыз бойынша мөлшерлеме – жылдық 5% ;
— несиелеу мерзімі 19 жылға дейін.
Бағдарламаға қатысу үшін азаматтарға қойылатын талаптар:
- жолдасының (жұбайының) жасына қарамастан (болған жағдайда) өтінім беру сәтінде 35 жасқа (34 жасқа дейін қоса алғанда) жетпеген жас.
Бағдарламаға негізгі қатысушы ретінде ерлі-зайыптылардың біреуі ғана қатыса алады.
- Астана қаласында соңғы 1 (бір) жылдан кем емес үздіксіз тіркеудің болуы және онымен бірге тұратын оның отбасы мүшелерін (балалары, жолдасы (жұбайы) болған жағдайда) өтінім беру сәтінде Астана қаласында тіркеуі;
- «Отбасы банк» АҚ-да өтінім беру сәтінде 1 800 000 (бір миллион сегіз жүз мың) мөлшерінде бастапқы жарна сомасының шотындағы қалдығы бар жинақ шотының болуы;
- Бағдарламаға қатысушының және оның отбасы мүшелерінің Қазақстан Республикасының аумағы бойынша соңғы 5 (бес) жыл ішінде, сатып алу құқығымен жалға берілетін тұрғын үйдің, сатып алу құқығынсыз жалға берілетін тұрғын үйдің немесе меншік құқығындағы тұрғын үйдің (ерлі-зайыптылардың ортақ бірлескен меншігі, өтінішке енгізілетін отбасының басқа мүшелерімен бірлесіп ортақ үлестік меншік) болмауы, құлау (құлау) қаупі бар апаттық жағдайдағы тұрғын үйлерді қоспағанда;
- зейнетақы шотынан үзінді көшірмемен расталатын өтініш беру сәтінде Астана қаласында таңдалған саладағы ресми жұмыс өтілі кемінде соңғы 1 (бір) жыл;
- тиісті қаржы жылына арналған республикалық бюджет туралы Заңмен бекітілген отбасының әрбір мүшесіне соңғы 6 (алты) айдағы Еңбек және (немесе) кәсіпкерлік қызметтен (зейнетақы аударымдарын, жеке табыс салығын және өзге де міндетті аударымдарды есепке алмағанда) ең төменгі күнкөріс деңгейінің 6 еселенген шамасына дейінгі табысының болуы (260 442 тг.);
Қатысушы таңдаған сала қатысуға өтінімді толтыру кезінде қатысушы еңбек қызметін жүзеге асыратын саламен сәйкес келуі тиіс.
Астана қаласының мекемелері мен ұйымдарының қызметкерлері келесі қызмет салалары бойынша қатыса алады:
Денсаулық сақтау, атап айтқанда: тиісті жоғары және орта білімі бар «Денсаулық сақтау саласындағы мамандықтар мен мамандандырулар номенклатурасын, Денсаулық сақтау қызметкерлері лауазымдарының номенклатурасы мен біліктілік сипаттамаларын бекіту туралы» Қазақстан Республикасы Денсаулық сақтау Министрінің 2020 жылғы 21 желтоқсандағы № ҚР ДСМ-305/2020 бұйрығындағы 2-қосымшаға сәйкес денсаулық сақтау қызметкерлері лауазымдарының номенклатурасына сәйкес, Астана қаласында орналасқан медицина қызметкерлері, Денсаулық сақтау, мектепке дейінгі және орта білім беру, мәдениет және спорт салаларындағы ұйымдарда жұмыс істейтіндер, техникалық және әкімшілік персоналды қоспағанда;
Білім беру, атап айтқанда: Астана қаласында орналасқан, техникалық және әкімшілік персоналды қоспағанда, тиісті жоғары және орта білімі бар білім беру ұйымдарының педагог қызметкерлері;
Мәдениет, атап айтқанда: техникалық және әкімшілік персоналды қоспағанда, Астана қаласында орналасқан мәдени ұйымдардың бейінді қызметкерлері;
Спорт, атап айтқанда: Астана қаласында орналасқан ұйымдарда, сондай-ақ «Қазақстан Республикасының Ұлттық Олимпиада комитеті» ҚБ және «Қазақстан Республикасының Ұлттық Параолимпиада комитеті» ҚБ-да еңбек қызметін жүзеге асыратын спортшылар мен жаттықтырушы-оқытушылар;
Әлеуметтік сала, атап айтқанда: техникалық және әкімшілік персоналды қоспағанда, Астана қаласында орналасқан халықты әлеуметтік қорғау саласындағы ұйымдарда жұмыс істейтін бейінді қызметкерлер;
Жоғары оқу орындары мен ҒЗИ, атап айтқанда: техникалық және әкімшілік персоналды қоспағанда, Астана қаласында орналасқан жоғары оқу орындарының, ғылыми-зерттеу институттарының оқытушылары мен ғылыми қызметкерлері;
Журналистер, атап айтқанда: техникалық және әкімшілік персоналды қоспағанда, Астана қаласында тікелей бейіндік қызметпен айналысатын журналистер мен БАҚ қызметкерлері (журналистер, корреспонденттер, продюсерлер, беттеушілер, редакторлар, режиссерлер, дыбыс режиссерлері, теле-радио жүргізушілері, фотографтар, телерадио хабарларын тарату жөніндегі инженерлер, графикалық және мультимедиялық дизайнерлер, телерадио хабарларын тарату жөніндегі техниктер, аудио-видео операторлар, телекоммуникациялар жөніндегі монтажерлер, контент менеджері, жарықтандырушы, веб-дизайнерлер, медиа жоспарлау менеджері, медиа талдаушы, SMM маманы);
Астана қаласының коммуналдық кәсіпорындарының/мекемелерінің бейінді қызметкерлері (жоғарыда көрсетілген салалардағы ұйымдардың қызметкерлерін, оның ішінде техникалық және әкімшілік персоналды қоспағанда);
Қызмет саласына қарамастан, Астана қаласында «жетім балалар, ата-анасының қамқорлығынсыз қалған балалар» санаты бойынша коммуналдық тұрғын үй қорынан тұрғын үйге мұқтаждар есебінде тұрған отыз бес жасқа толмаған азаматтар;
Техникалық және әкімшілік персоналды қоспағанда, Астана қаласы полиция департаментінің және оның бөлімшелерінің бейінді қызметкерлері;
Техникалық және әкімшілік персоналды қоспағанда, Астана қаласы Төтенше жағдайлар департаментінің және оның бөлімшелерінің бейінді қызметкерлері;
Техникалық және әкімшілік персоналды қоспағанда, Астана қаласындағы «Қазпошта» АҚ филиалдарының бейінді қызметкерлері.
Қажетті құжаттар тізімі
1. ЭЦҚ;
2. Азаматтық хал-ахуалды мемлекеттік тіркеу туралы куәлік (балалардың тууы, неке қию, некені бұзу, некеде тұрмайтын нотариустың анықтамасы / өтініші және т. б.);
3. Өтініш берушіге және Қазақстан Республикасы бойынша отбасының барлық мүшелеріне жылжымайтын мүліктің жоқтығы (бар болуы) туралы анықтама (анықтама өтінім берген сәтте күніне бір күн, ҚР электрондық үкімет порталынан алынуы тиіс – EGOV.KZ);
4. Ұйымның фирмалық бланкісінде берілген анықтаманың берілген күні, шығыс нөмірі, жұмысқа орналасу және атқаратын лауазымы мен лауазымдық жалақысы көрсетілген жұмыс орнынан анықтама (берілген анықтаманың берілген күні өтінім берілген күнге күнтізбелік 10 күннен аспайды);
5. Еңбек кодексінің 35-бабына сәйкес еңбек өтілін растайтын құжаттар (қызметтік тізімі (кадр қызметімен расталған), еңбек кітапшасының көшірмесі);
6. Ерлі-зайыптылардың екеуіне де (жолдасы/жұбайы болған жағдайда) еңбек қызметінің барлық кезеңі үшін зейнетақы аударымдары туралы үзінді көшірме;
7. Болған жағдайда: өтініш берушіге немесе оның отбасы мүшелеріне (жолдасыны/жұбайына, балаларына) мүгедектігі туралы анықтама;
8. Депозитте жинақталған соманы көрсете отырып, «Отбасы банк» АҚ-да депозиттік шоттың болуы туралы анықтама (ерлі-зайыптылардың екеуінде де бар болса, жинақ сомасы 1.8 млн. теңгеден кем болмауы тиіс) (берілген анықтама күні өтінім беру күніне күнтізбелік 10 күннен аспауы тиіс);
9. Жұмыс істейтін ерлі-зайыптылардың екеуінде де соңғы 6 айдағы табыстары туралы жұмыс орнынан анықтама (жолдасы (жұбайы) болған жағдайда) (берілген анықтама күні өтінім беру күніне күнтізбелік 10 күннен аспайды);
10. Жоғары немесе арнаулы орта білім туралы құжат;
11. Мерзімді баспа басылымдарын, ақпараттық агенттіктерді және желілік басылымдарды есепке қою немесе қайта есепке қою туралы куәлік («Журналистер» саласының азаматтары үшін);
12. Қолы мен күні бар дербес деректерді жинауға және өңдеуге жолдасы/жұбайының (бар болса) келісімінің сканерленген нұсқасы (birge.astana.kz порталдың басты бетіндегі келісім нысаны).
Бағдарламаға қатысушыларды іріктеу бойынша талаптар:
Қатысушыларды іріктеу ең жоғарыдан ең төменгі ұпайларды есептеуді пайдалана отырып жүргізіледі:
- таңдалған саладағы жұмыс өтілінің толық 1 жылы үшін-5 ұпай, таңдалған саладағы жұмыс өтілінің толық емес жылы үшін – 3 ұпай;
- Астана қаласында «жетім балалар, ата-анасының қамқорлығынсыз қалған балалар» санаты бойынша коммуналдық тұрғын үй қорынан тұрғын үйге мұқтаждар есебінде тұрғандар ретінде өтінім берген азаматтарға жұмыс өтілі 1 жыл -5 ұпай, жұмыс өтілі толық емес жыл үшін – қызмет саласына қарамастан 3 ұпай есептеледі;
-өтініш берушіде немесе жұбайында I, II, III топтағы мүгедектіктің немесе мүгедек балалардың болуы - 10 ұпай. Егер отбасының бірнеше мүшесінде мүгедектік болса, мүгедектігі бар отбасының әрбір мүшесіне ұпайлар беріледі;
Қатысушылар бірдей ұпай жинаған жағдайда, жасы үлкен қатысушы артықшылыққа ие болады.
Бағдарлама бойынша өтінімдерді қарау нәтижелері Астана қаласы әкімдігінің «Тұрғын үй қоры» КММ сайты – zhilfond.kz, «Астана қаласының Тұрғын үй және тұрғын үй инспекциясы басқармасы» ММ - gov.kz, сондай-ақ Instagram әлеуметтік желісіндегі ресми парақшаларында жарияланады.
Сұрақтар туындаған жағдайда сіз жүгіне аласыз:
Астана қаласының Тұрғын үй орталығы: Республика даңғылы, 32.
109 (ұялы телефондар үшін) - iKomek
300 (ұялы телефондар үшін) - «Отбасы банк» АҚ
