Астанада қар тазалауға 2,5 мыңнан астам жұмысшы шықты

Астанада коммуналдық қызмет тәулік бойы, бірнеше ауысымда күшейтілген режимде жұмыс жүргізуде, деп хабарлайды BAQ.KZ қала әкімдігінің ресми сайтына сілтеме жасап.

Бүгін қар тазалау жұмыстарына 1,2 мың бірлік арнайы техника және 2,5 мыңнан астам жұмысшы жұмылдырылады.

4 наурыздан 5 наурызға қараған түні коммуналдық қызметкерлер қаладан 26 мың текше метрден астам қар шығарды, бұл 1,9 мың ауыр жүк көлемін құрады.

Қыс басынан бері полигондарға 428 мың рейс, яғни 5,7 млн текше метр қар шығарылды.