Халықаралық дзюдо федерациясы (IJF) 2024 жылғы спорт кестесін жаңартты, деп хабарлайды BAQ.KZ.
Жаңартылған күнтізбеге сәйкес, Qazaqstan Barysy Grand Slam 2024 жарысы Алматы қаласынан Астана қаласына ауыстырылды. Жарыс 10-12 мамыр күндеріне жоспарланған. Бұл бәсеке 2024 жылғы Париж Олимпиадасына рейтингтік ұпай беретін соңғы Grand Slam жарысы болады. Grand Slam жарысының жеңімпаздары мен жүлдегерлеріне ұпайлар беріледі.
I орын - 1000 ұпай
II орын - 700 ұпай
III орын - 500 ұпай
Айта кетейік, еліміз Халықаралық дзюдо федерациясымен былтыр Grand Slam жарысын өткізу бойынша келісімшарт жасады. Келісімшарт негізінде IJF World Judo Tour аясындағы бұл жарысты Қазақстан 2023- 2026 жылдар аралығында 4 рет өткізу құқығына ие.
Былтыр елімізде тұңғыш рет ұйымдастырылған әлемдік додаға 42 елден 334 спортшы қатысқан еді.
