Астанада джиу-джитсудан жасөспірімдер мен кадеттер арасындағы әлем чемпионаты аяқталды, деп хабарлайды BAQ.KZ.
42 елден келген 1207 жас спортшы бірнеше күн бойы сынға түсіп, әр салмақ дәрежесі бойынша өзара мықтыны анықтады.
Жарыстың соңғы күніне қатыстым, Қазақстан командасының бірнеше жеңісіне куә болдым, палуандардың өнерін тамашаладым. Турнирде елімізді 200-ге жуық жас спортшы таныстырды. Жеңімпаздарды марапаттау рәсіміне қатыстым, еліміздің жас спортшыларын алған марапаттарымен құттықтадым. Айтпақшы, Қазақстан командасы әлем чемпионатында 13 алтын, 19 күміс және 37 қола медальмен үшінші жалпы командалық орынға ие болды, - деді мәдениет және спорт министрі Асхат Оралов.
21 тамызда басталған сын 5 күнге созылып, жекпе-жек спортының мықтылары өз шеберліктері Астана төрінде дәлелдей алды.
Бұл өте жақсы нәтиже, бұл біздің елімізде талантты және болашағы зор спортшылардың ұрпағы өсіп келе жатқанын көрсетеді. Ертең бұл балалар көптеген шыңдарды бағындыратынына сенімдімін, ал олардың жеңістерінің арқасында біздің Әнұран ірі халықаралық біріншіліктерде шырқалады. Қазақстанда джиу-джитсу өте белсенді дамып келеді. Министрлік бұл бағытта үлкен жұмыс атқаруда. Қазір елде джиу-джитсудың 300-ден астам секциясы жұмыс істейді, онда 20 мыңға жуық адам айналысады. Ал, біздің чемпиондар ересектер турнирлерінің медальдарын жеңіп алуда. Соңғы бірнеше күнде біз олардың лайықты резерві бар екеніне көз жеткіздік, - деді министр әлем чемпионаты туралы.
