Астанада бизнес-идеяларды іске асыру үшін грант алуға мыңнан астам өтінім түскен

16 Тамыз 2023, 17:14
560
Бөлісу:
Астанада бизнес-идеяларды іске асыру үшін грант алуға мыңнан астам өтінім түскен

Конкурс басталғаннан бері Kezekte.kz платформасына 1044 өтінім келіп түсті, деп хабарлайды BAQ.KZ елорда әкімдігінің ресми сайтына сілтеме жасап.

Ұйымдастырушылар – Инвестициялар және кәсіпкерлікті дамыту басқармасы – конкурс өткізудің соңғы 2 күнінде өтінімдер ағынын күтуде.

Конкурстың соңғы күндерінде өтінімдердің ең көп саны түседі. Жалпы көлемнің 50%-ына дейін келеді. Өткен тәуліктің өзінде кәсіпкерлерден 130 өтінім келіп түсті, – дейді кәсіпкерлікті дамыту бөлімінің басшысы Нұржан Әшімов.

Kezekte.kz платформасында өтінімдерді жинау 16 тамызға дейін жалғасады. Кейін арнайы құрылған комиссия оларды қарауға кіріседі.

Жаңа бизнес-идеяларды іске асыру үшін шағын бизнес субъектілеріне конкурстық негізде 5 млн теңгеге дейінгі гранттар беріледі. Бұл мемлекеттік қолдау шараларының бірі.

Конкурсқа 3 жасқа дейінгі дек кәсіпкерлік және экономиканың басым секторлары шеңберінде қызметін жүзеге асыратын республикалық тізілімге енгізілген Әлеуметтік кәсіпкерлік субъектілері қатыса алады.

Сонымен қатар, Астана қаласының Инвестициялар және кәсіпкерлікті дамыту басқармасы конкурстың барлық қатысушыларын грант алуға, алаяқтардан сақ болуға шақырады. Конкурсты ұйымдастырушылар сыйақы үшін грант алуға көмектесуге уәде беретін «көмекшілер» деп аталатын хабарландыруларға ешқандай қатысы жоқ екенін айтады. Алаяқтардың айла-амалдарына түсіп қалмауыңызды және тексерілмеген адамдарға ақша, құпия мәліметтер бермеуіңізді сұраймыз.

Конкурс шарттары бойынша қосымша ақпаратты Астана қаласының Инвестициялар және кәсіпкерлікті дамыту басқармасы сайтынан немесе телефон нөмірлері арқылы алуға болады.

Өзгелердің жаңалығы