Астанада Сығанақ көшесінде жол төсеміне орташа жөндеу жұмыстары жүргізілуіне байланысты бірқатар учаскеде көлік қозғалысы шектеледі. Бұл туралы қала әкімдігінің Көлік және жол-көлік инфрақұрылымын дамыту басқармасы мәлімдеді, деп хабарлайды BAQ.KZ.
25 шілдеге дейін келесі учаскелерде қозғалыс толығымен жабылады:
- Қабанбай батыр даңғылынан Қазақ радиосына дейін;
- Қазақ радиосынан Сауран көшесіне дейін.
Қала тұрғындары мен қонақтарына жол кептелістерін болдырмас үшін бағыттарын алдын ала жоспарлауға кеңес беріледі.
