Астанада бір сәтте 400 домбырашы бірге күй шертті

9 Шілде 2024, 16:11
239
Бөлісу:
Астанада бір сәтте 400 домбырашы бірге күй шертті
PHOTO
Фото: Астана қаласы әкімдігінен

Астанадағы Орталық саябақта орналасқан «Амфитеатр» сахнасында «Елдік рухым – домбыра» атты гала-концерт өтті, деп хабарлайды BAQ.KZ.

Астаналықтардың ыстық ықыласына бөленген кеш «Ұлттық домбыра күні» мерекесінің аясында ұйымдастырылды.

Іс-шараның ұйымдастырушысы – Астана қаласының әкімдігі, «AMANAT» партиясы және партия жанындағы «Jastar ruhy» Жастар қанаты қоғамдық бірлестігі.

Астанада бір сәтте 400 домбырашы бірге күй шертті

Алғашқы рет ұйымдастырылып отырған ауқымды іс-шарада Астана қаласы әкімінің орынбасары Есет Байкен құттықтау сөз сөйледі.

«Ерке Есілдің жағасында аталып өтіп отырған Домбыра күні ғасырдан-ғасырға жалғасып келе жатқан ұлттық құндылығымызды жас ұрпаққа паш ететінін айтып, «қара шанақты домбырамыз әр шаңырақты қоңыр үнімен қуанышқа бөлей берсін!» - деді қала әкімінің орынбасары.

Астанада бір сәтте 400 домбырашы бірге күй шертті

Өз кезегінде қадірлі кеш қонағы ретінде шақырылған AMANAT» партиясының атқарушы хатшысы, Мәдениет басқармасының басшысы лебіздерін білдірді.

Астанада бір сәтте 400 домбырашы бірге күй шертті

Ибрагим Ескендір және «Алтын домбыра» өнер мектебінің қатысуымен өткен гала-концертте 400 өнерпаз күй тартып, 1 200 көрермен концертті тамашалады. Домбырашылар алғашқы төрт күйді, яғни Құрманғазының күйі «Балбырауын», «Адай» және елімізге танымал «Еркесылқым», «Әке» толғауы сынды күйлерді бірге орындады.

Астанада бір сәтте 400 домбырашы бірге күй шертті

Айта кетейік, іс-шараның мақсаты – жас ұрпақтың шығармашылық қабілетін арттыра отырып, оларды отансүйгіштікке баулу, ұлттық құндылықтарды құрметтейтін, өресі биік ұрпақ тәрбиелеу.

Өзгелердің жаңалығы