Астанада бір көліктен газ тапаншасы мен 12 мемлекеттік нөмір табылды
7 Сәуір, 18:00 655

Астанада бір көліктен газ тапаншасы мен 12 мемлекеттік нөмір табылды

Нұр-Сұлтан, BAQ.KZ. 32 жастағы ер адам Toyota Camry маркалы көлікпен мемлекеттік тіркеу нөмірінсіз қатты жылдамдықпен жүрген. Бұл туралы Нұр-Сұлтан ПД баспасөз қызметі хабарлады.

Олардың мәліметінше, ер адам сағат 11:54-те Тұран даңғылы бойында ұсталды. Тексеру барысында одан есептен шығарылған 12 мемлекеттік нөмір, жиналмалы пышақ, газ тапаншасы және төрт оқ-дәрі табылды.

Аталған факті бойынша ҚР ҚК 287-бабы 2-бөлігі бойынша сотқа дейінгі тергеу амалдары қолға алынды.

Сараптама тағайындалды. Көлік коммуналдық тұраққа қойылды.


Фото: ашық дереккөз
Загрузка...