Бұл туралы Мәжілісте өткен комитет отырысында Мәдениет және спорт вице-министрі Сәрсен Құранбек айтты, деп хабарлайды BAQ.KZ тілшісі.
Оның айтуынша, Бас прокуратураның нұсқамасына сәйкес бұрын қолданыста болған платформа (artsport.edu.kz) заңнама талаптарына сәйкес келмей, әкімдіктердің функцияларын орындау кезінде бірқатар проблемаға әкеліп соқты.
Мемлекеттік тапсырыс бағдарламасының жобасы «Ақпараттық жүйе объектілеріне қойылатын ең төменгі талаптар туралы» жаңа бөліммен толықтырылады, ақпараттық жүйелерге «Жеке тұлғалар» мемлекеттік деректер қорымен интеграциялану міндеті қойылады және ауылдық жерлердегі балаларға көбірек көңіл бөлу және барлық өңірлердегі балаларды Мемлекеттік тапсырыспен қамту үшін нормативтік құқықтық актілерге қаржыландыруды «қалалық» және «ауылдық» аймақтарға бөлу туралы тармақ енгізіледі, - деп айтты Сәрсен Құранбек.
Мәдениет және спорт вице-министрі атап өткендей, толықтырулар енгізу кезінде барлық қолданыстағы платформалардың жұмыс алгоритмі ескерілді.
Сонымен балама платформада белгілі алгоритмдердің болуы үйірмелер мен секцияларда көбірек орындардың босатылуына әкелді. Мысалы, Алматы қаласында деректерді платформадан көшіру кезінде artsport.edu.kz платформасынан 22 871 ваучер бойынша деректер расталмады, осыған орай ваучерлер кезекке жаңадан келген балалар арасында бөлінді, - деді ол.
Құранбек әкімдіктер мемлекеттік тапсырысты іске асыру бойынша жұмыстарды тұрақты түрде жүзеге асыратынын атап өтті. Сонымен қатар бюджеттік бағдарламалардың (Абай, Жетісу және Ұлытау облыстары) жаңа әкімшілері елдің әкімшілік-аумақтық құрылымының (бөлу жолымен жаңа облыстардың құрылуы) өзгеруін ескере отырып, бағдарламаны іске асыру бойынша бюджет қаражатын дұрыс жоспарламады, бұл әкімдіктерге көптеген шағым түсуіне алып келді.
Мәселен, Абай облысында бағдарламаны іске асыруға 4 864 ваучерге қаражат қарастырды, ал Шығыс Қазақстан облысы бөлінбей тұрып 15 805 ваучерге қаражат бөлінді, яғни екі облысты бөлу кезінде ваучерлер санының айтарлықтай төмендеуі байқалады. Осыған байланысты жекелеген өңірлерге айтылған проблемалық мәселелерді бақылауға алуды және өңірдің қажеттіліктерін ескере отырып, балаларды қамтуды ұлғайту жөнінде шаралар қабылдауды аталған облыс әкімдерімен аналитикалық жұмысты жүргіземіз, - деп атап өтті Спорт вице-министрі.
