Президентке археологтарды даярлау жұмысы туралы мәлімет берілді

14 Тамыз 2019, 15:58
2486
Бөлісу:
Президентке археологтарды даярлау жұмысы туралы мәлімет берілді

Нұр-Сұлтан, BAQ.KZ. Қазақстан президенті Қасым-Жомарт Тоқаев белгілі археолог Зейнолла Самашевты қабылдады. Бұл туралы Ақорданың баспасөз қызметі хабарлады.

"Кездесу барысында мемлекет басшысына Қазақстан ғылымының кейбір мәселелері, соның ішінде соңғы жылдары ашылып жатқан ғылыми жаңалықтар, археологиялық зерттеулер, мамандар даярлау жұмысы жөнінде мәлімет берілді", - делінген хабарламада.

ар.jpg

Сонымен қатар, Зейнолла Самашев Қасым-Жомарт Тоқаевқа Шығыс Қазақстан облысындағы сақ дәуірінің алғашқы кезеңіне жататын қоныстардағы қазба жұмыстары, Берел қорғанындағы археологиялық зерттеулердің қорытындысы және шетелдік ғалымдармен әріптестік туралы айтып берді.

Мемлекет басшысы тарихи зерттеулердің маңыздылығына тоқталып, соңғы жылдары отандық археология саласында белгілі болған тың деректерді Қазақстанның ежелгі, ортағасырдағы тарихының жылнамасына енгізу қажеттілігін атап өтті.  

Өзгелердің жаңалығы