Аргентинада жүздеген кит төлі жұмбақ инфекциядан қырылды
Мөлдір ЖАНАТБЕКҚЫЗЫ
25 Қыркүйек 2026, 17:47
Соңғы бірнеше аптада Аргентинаның оңтүстігіндегі жағалауларға жүздеген өлі оңтүстік китінің төлі шығып қалған. Өлекселер әсіресе Чубут провинциясында көбейді. Мұнда алғашқы жағдайлар маусым айында-ақ анықтала бастаған.
Ғалымдар бұған теріде ауырсыну мен жоғары дене қызуын тудыратын ауыр бактериялық инфекция – тілме себеп болуы мүмкін деп болжайды.
Теңіз биологы Мариано Косарселланың айтуынша, киттердің өлімі табиғи себептен болуы ықтимал, дегенмен адам әрекетінің әсерін әзірге толық жоққа шығару мүмкін емес.
Пуэрто-Мадрин қаласы мен оған жақын орналасқан Вальдес түбегі – оңтүстік киттерінің көбеюі үшін аса маңызды аймақ. Былтыр мұнда рекордтық көрсеткішпен 2110 кит, оның ішінде 800 төл саналған. Биыл 1375 жануар тіркелген, олардың 400-ге жуығы – төлдер. Дегенмен зерттеушілер қазіргі өлім-жітімді бүкіл популяцияға қауіп төндіретін жағдай деп бағаламайды.
Ең оқылған:
- Астанада зейнеткерлерге 10 000 теңгеден берілетін болды
- «Екеуі де сағатқа таласып, жалақы үшін жұмыс істеп жүр»: Педагог ауыл мен қала мұғалімдерін салыстырды
- Зейнетақы мен жәрдемақының 70%-ына қатысты тәртіп өзгеруі мүмкін
- Дәрігерге жазылу: Емханаларға жаңа талап қойылды
- Көпшілік біле бермейді: Несие жабылғаннан кейін сақтандыру ақшасын қалай қайтарып алуға болады?