Аргентинаның Иларио Аска-суби қаласының тұрғындарына тотықұстар маза бермей тұр, деп хабарлайды BAQ.KZ Хабар24-ке сілтеме жасап.
Электр бағаналарына қонуды әдетке айналдырған құстар, сымдарды тістеп, қажап тастайды екен. Содан жарық жиі сөніп, тұрғындарды әбден әбігерге салды.
Ол аздай, қаладағы құстардың шуынан түк естілмейді. Бәріне ормандардың оталуы себеп. Содан құстар мекендеген ортасынан айырылып, қалаға жиі ұшып келетін болған, - дейді мамандар.
Билік оларды үркіту үшін шу құрылғыларын тіпті лазер сәулелерін де пайдаланып көрген. Бірақ барлығы нәтижесіз. Қазір қаладағы бір тұрғынға 10 тотықұстан келеді екен.
