Нұр-Сұлтан, BAQ.KZ. Қарағандыда құтқарушылар пәтерде қамалып қалған балаларды құтқарды.
Оқиға Қарағандыда Язев көшесінде болды. Анасы кіреберіске шықан кезде сәби есіктің артындағы құлыптың қақпағын жауып қойған. Есікті ашуын өтінген ананың айтқанын орындай алмағандықтан, әйел құтқару қызметіне қоңырау шалған.
Құтқарушылар оқиға орнына жедел жетті. Анасына тұрғын үйге кіруге көмектесу үшін құтқарушылар пәтерге балконның терезесінен автобаспалдақ арқылы кірген.
Тағы бір оқиға 12 мамырда Гапеева көшесінде болды. Қарағанды облысының төтенше жағдайлар департаментінің қызметкерлерін көрші шақырды. Құтқарушылар автобаспалдақтың көмегімен балконға көтеріліп, есікті ашып, қызды үйге кіргізген. Ал, пәтерде үш жасар тағы бір бала болған.
Құтқарушылар мұндай оқиғаның жиі кездесетінін айтады.
Балалар есіктің артында қалатын жағдайлар жетерлік. Егер сіз пәтерден шыққыңыз келсе, есік жабылмауы үшін барлық шараларды қабылдауыңыз керек. Өзіңізді құтқару қызметіне хабарласудан сақтаңыз, - дейді Қарағанды облысы ТЖД Өрт сөндіру және авариялық-құтқару жұмыстары қызметінің Мамандандырылған жасақтың бастығы Васьковский Дмитрий.Қуанышқа орай, барлық құтқару жұмыстары сәтті аяқталды, барлық балалар ата-аналарына аман-есен жеткізілді.
Қарағанды облысының ТЖД бөлімшелері үйлерге кіру бойынша авариялық-құтқару жұмыстарын күн сайын жүргізеді. Жыл басынан осындай 186 құтқару операциясы өткізілді, оларда 204 адам құтқарылды, оның ішінде 78 бала.
