Психология саласында 20 жылдан артық тәжірибесі бар, білікті маман Анар Есен арнайы Астанаға келіп, Балаларды қорғау күніне орай BAQ.KZ тілшісіне сұхбат берді.
Маман сұхбат барысында «детская травма», сепарация, жыныстық сауат тақырыптарына кеңінен тоқталды. Не үшін ата-ана баласына сабақты өзі қаратпағаны дұрыс, бірінші баланы екінші баланың дүниеге келуіне қалай дайындау керек, ата-ана балаға дос бола ала ма, ана бақытты болса, бала бақытты ма, баланың ауруы ананың ішкі күйімен қаншалықты байланысты деген сұрақтарға жауап берді.
Сондай-ақ Анар Есен баламен сенімді қарым-қатынас орнату жолдары мен ата-ана қолындағы ең мықты 2 құралды атады.
