Ақтөбеде ТЖМ қызметкерлері құдыққа құлаған адамды құтқарды, деп хабарлайды BAQ.KZ ведомствоға сілтеме жасап.
Құтқару операциясы Астана ауданының "Жаңақоныс-2" тұрғын алабында өткізілген.
Белгілі болғандай, 1960 жылы туған ер адам тереңдігі 3 метрге жуық ашық құдыққа түсіп, өз бетінше шыға алмаған.
ТЖМ құтқарушылары жедел жетіп, құдыққа баспалдақты орнатты, содан кейін ер адам жоғарыға көтерілді. Құтқарылған адам үйіне жеткізілді. Құтқарушылар құдықты жауып қойды, - делінген хабарламада.
Төтенше жағдай туындаған кезде 112 нөміріне хабарласу қажет.
