Бүгін сағат 18:00-де Шалқар ауданында республикалық маңызы бар «Қандыағаш-Ембі-Шалқар-Ырғыз» автожолының 232 шақырымында (Шалқар қаласынан 20 шақырым) еріген су тасу қаупі туындады, деп хабарлайды BAQ.KZ ҚазАвтоЖолға сілтеме жасап.
Бұған қардың қарқынды еруі мен еріген судың ағуы, сондай-ақ мұнай құбырына қызмет көрсету жұмыстарына байланысты жолдың тасуы себеп болды.
«KAZHservice» ЖШС Ақтөбе филиалының (Дэу-13 Шалқар) мамандары 9 жол жұмысшысының, 4 бірлік арнайы техниканың және 300 қап құмның қолдауымен су тасқынының алдын алу үшін шұғыл шаралар қабылдады. Олардың күш-жігерінің нәтижесінде сағат 19:00-ге қарай республикалық маңызы бар А-26 Қандыағаш-Ембі-Шалқар-Ырғыз автожолының қауіпсіздігі қамтамасыз етіліп, еріген судың асып кету қаупі сәтті жойылды.
