Ақмолалық тағы 3 ауылдық мектеп "Қазақстан халқына" қоғамдық қорының жобасына енді, деп хабарлайды BAQ.KZ.
2022 жылдан бастап облыста «Қазақстан халқына» Қоғамдық қорының «Ауылдық жерлердегі тірек мектептердің әлеуетін дамыту» жобасы жүзеге асырылуда, мақсаты – ауыл тірек мектептерін дамытудың тиімділігін арттыру, сондай-ақ ауыл мектептерін материалдық-техникалық базасын жақсарту және мұғалімдердің біліктілігін арттыруда тең жағдай жасау арқылы аумақтық және әлеуметтік-экономикалық ерекшеліктері бойынша білім сапасының алшақтығын азайтуға көмектесу.
![Ақмолалық 3 ауылдық мектеп "Қазақстан халқына" қоғамдық қорының жобасына енді](/userfiles/images/1e76f71833493cfb9a76201c0285ea3e_1280x720.jpg)
Жобаға қатысатын мектептер білім берудің барлық пәндері мен бағыттары бойынша жаңа заманауи модификация кабинеттері, соның ішінде мектепалды даярлық және робототехника кабинеттерімен, мультимедиялық кабинет және STEM-зертхана, заманауи жаңа зертханасы бар физика және химия кабинеттерімен жабдықталады. Сондай-ақ, жоба бойынша мектептің, мұғалімдер мен асхананың акт және спорт залдарындағы жиһаздар мен жабдықтар жаңартылады.
![Ақмолалық 3 ауылдық мектеп "Қазақстан халқына" қоғамдық қорының жобасына енді](/userfiles/images/4d6e80459c7f0917b5d087dc2f3fe134_1280x720.jpg)
Бүгінгі таңда облыста 27 тірек мектеп жұмыс істейді, 8 мектеп жобаға кірді, оның ішінде ағымдағы жылы 3 мектеп. Нақтылап айтсақ, Зеренді ауданындағы Зеренді ауылының Мәлік Ғабдуллин атындағы мектеп-гимназиясы, Астрахан ауданындағы Астрахан ауылының № 1 жалпы орта білім беретін мектебі және Біржан сал ауданындағы Степняк қаласының Абай атындағы №2 жалпы орта білім беретін мектебі.
![Ақмолалық 3 ауылдық мектеп "Қазақстан халқына" қоғамдық қорының жобасына енді](/userfiles/images/ddaf953d9a7ec048773528f82820d60d_1280x720(1).jpg)
Біздің мектебіміз биыл осы жобаға кіріп отыр. Соның арқасында мектебіміз жаңа заман талабына сай барлық құрал-жабдықтармен, жаңа модификациық кабинеттермен, STEM-лабораториялармен жабдықталды, - деді Степняк қаласының Абай атындағы №2 жалпы орта білім беретін мектебінің директор Руслан Әбуов.