Ақмола облысында тұмауға байланысты бір аптада 6 мыңға жуық жедел жәрдем шақыртылды

Ақмола өңірінде бір апта ішінде жедел жәрдем 5,8 мың рет шақырту алған.

 BAQ.KZ архиві / Артем Чурсинов 23 Қараша 2026, 04:20
23 Қараша 2026, 04:20
67
Фото: BAQ.KZ архиві / Артем Чурсинов

13-19 қараша аралығында облыстық жедел медициналық жәрдем қызметіне 5 797 шақырту түсті. Бұл өткен аптамен салыстырғанда 426-ға көп. Бұл туралы облыстық денсаулық сақтау басқармасы мәлімдеді.

Шақыртулардың негізгі себебі – тыныс алу ағзаларының аурулары. Осы кезеңде 1 556 шақырту тіркелді, оның ішінде ЖРВИ бойынша 1 156 шақырту болды, – деп жазылған хабарламада.

Жүрек-қан тамырлары ауруларына байланысты 1 047 шақырту, жарақаттар мен жазатайым оқиғалар бойынша 440 шақырту түскен.

18 жасқа дейінгі балаларға 1 513 шақырту тіркелген, оның 609-ы ЖРВИ-мен байланысты.

Дәрігерлер маусымдық ауа райының өзгеруіне байланысты денсаулыққа немқұрайлы қарамауға шақырды.

Наверх