Оны ғалымдар «Бурабай» мемлекеттік ұлттық табиғи паркінде зерттеу жүргізу кезінде анықтаған, деп хабарлайды BAQ.KZ «Хабар 24»-ке сілтеме жасап.
Орнитологтардың фототұзағына қара тісті гагара, ергежейлі бүркіт, шымшық пен үкі түсіп қалды. Ұлттық парк қызметкерлерінің айтуынша, бұған дейін өңірде құстың мұндай түрлері кездеспеген көрінеді. Зерттеуді неміс сарапшысы жүргізіп жатыр. Бұл жұмыстар аясында, парк аумағында сирек кездесетін құстардың популяциясы анықталып, мәлімет жаңғыртылады.
Біздің мақсат ұлттық парктегі сирек кездесетін құстар мен жануарларды анықтау. «Қызыл кітапқа» тіркелген құстар көбейді ме, керісінше азайды ма бәрін бақылаймыз. Оларды сақтап қалу үшін үнемі мониторинг жасап отыру қажет. Бұл жұмыстарға неміс ғалымдарын тартып отырмыз. Олар ақысыз зерттеу жүргізуге келісті. 11 құс бірлескен жұмыс барысында анықталып отыр. Сондай-ақ Қызыл кітапқа енген 8 құсты да кездестірдік, - дейді «Бурабай» мемлекеттік ұлттық табиғи паркінің қызметкері Евгений Архипов.
