Ақмола облысында қар құрсауында қалған үш адам құтқарылды, деп хабарлайды BAQ.KZ Төтенше жағдайлар министрлігіне сілтеме жасап.
Белгілі болғандай, түнде Целиноград ауданында жеңіл автокөліктегі 2 балықшы мен жүк көлігінің жүргізушісі қар құрсауында қалып қойған.
Көмекке ТЖМ және ЖАО қызметкерлері келді. Жолды К-700 техникасының көмегімен тазалап, автокөліктерді сәтті сүйреп шығардық. Құтқарушылар "Трэкол" жол талғамайтын көлігімен және қар көлігімен құтқарылғандарды жолсыз жерден жақын маңдағы елді мекенге дейін шығарып салды, - делінген ведомство таратқан хабарламада.
Ер адамдар медициналық көмекке мұқтаж болған жоқ.
Төтенше жағдай туындаған жағдайда 112 нөміріне қоңырау шалу қажет.
