Ақмола облысы Целиноград ауданының "Родина" Агрофирмасы" ЖШС-де Қазақстанда ғана емес, Орталық Азияда да баламасы жоқ сауу цехының ашылуы өтті, деп хабарлайды BAQ.KZ Ауыл шаруашылығы министрлігіне сілтеме жасап.
Іс-шараға ауыл шаруашылығы вице-министрі Аманғали Бердалин мен облыс әкімінің орынбасары Мұрат Балпан қатысты.
Кешенді іске қосу – Президенттің өңделген ауыл шаруашылығы өнімдерінің үлесін 70%-ға дейін ұлғайту жөніндегі тапсырмасын іске асырудағы маңызды қадам.
Шведтік DeLaval брендінің роботты сауу карусельді жүйесі бір реттік сыйымдылығы 80 бас болатын 5 сағат ішінде 2000 сиырға қызмет көрсете алады, сондықтан оператордан ең аз күш қажет. Бір ауысымда қондырғыға тек 12 адам қызмет көрсетеді.
Бұл шаралар Ақмола облысына тауарлық сүт өндірісін 40 мың тоннаға немесе 1,5 есеге, 90 мың тоннадан 130 мың тоннаға дейін ұлғайтуға мүмкіндік береді. Бұл өз кезегінде өңірге елорда тұрғындарын 50% - ға сүт өнімдерімен қамтамасыз ету мүмкіндігін ашады.
Былтыр қуаттылығы шамамен 4,9 мың бас мал болатын бес ірі сүт-тауар фермасы құрылды. Биыл 1,2 мың басқа тағы 2 СТФ іске қосу жоспарланып отыр.
