Қазіргі уақытта облыс аумағында су тасқыны тұрақты-шиеленісті режимде өтуде. Өңірлердегі су тасқыны жағдайы үнемі бақылауда, деп хабарлайды BAQ.KZ.
Елді мекендерді қорғау үшін ұзындығы 38 мың метр үйінділер тұрғызылып нығайтылды, 2 млн текше метрден астам су сорылды, 250 мыңнан астам инертті материал салынған қапшықтар төселді, 85 км-ден астам каналдар мен арықтар тазартылды және тереңдетілді, 1443 су өткізу құрылыстары тазартылды. Авариялық-құтқару жұмыстарына 1262 адам, 252 техника, 18 жүзу құралдары, 65 мотопомпалар жұмылдырылды, - делінген Ақмола облысы ТЖД баспасөз қызметі таратқан хабарламада.
ТЖ, қорғаныс және ішкі істер министрлігінің өзара іс-қимылы аясында су тасқынына қарсы іс-шараларды жүргізуді күшейту үшін қосымша күштер мен құралдар жұмылдырылды. Мәлік Ғабдуллин атындағы азаматтық қорғау академиясының курсанттары мен офицерлері белсенді көмек көрсетуде. Сондай-ақ, су тасқыны салдарын жоюға 400 адамнан тұратын ерікті де қатысып жатыр.
25 мыңнан астам мал уақтылы эвакуацияланды, бұл су тасқыны кезеңінде олардың өліміне жол бермеуге мүмкіндік берді.
Бүгінгі таңда эвакуацияланған 1907 тұрғын үйлеріне оралды. Төтенше жағдайлар туындаған жағдайда облыстағы су тасқыны жағдайы тұрақты бақылауда.
