Учаскелік полицейлерге арналған арнайы мобильді қосымша әзірленіп жатыр

Нұр-Сұлтан, BAQ.KZ тілшісі. Бұл туралы ҚР Президенті жанындағы ОКҚ-да учаскелік полиция инспекторының мәртебесін арттыру туралы өткен брифингте ІІМ Әкімшілік полиция комитетінің төрағасы Мұрат Баймұқашев айтты.

Халықаралық тәжірибеде алгоритмдердің «стандарттық операциялық рәсімдер» деген түсінігі бар. Бұл ретте халықаралық практикада жалпыға бірдей қабылданған отандық практика үшін жаңа термин ЕҚЫҰ бағдарламалар офисімен бірлесіп енгізілуде. Алгоритмдерді әзірлеуге ведомстволық ғылым мен практикадан 50-ден астам маман қатысты, - деді ол. 

Мұрат Баймұқашев атап өткендей, барлық құқықтық база біріктірілді.

Заңнаманың жетілдірілуіне қарай алгоритмдер кезең-кезеңімен жаңартылатын болады. Ыңғайлы болу үшін біз қазір арнайы мобильді қосымшаны жасап жатырмыз. Ол учаскелік және олардың көмекшілерінің жұмыс планшеттеріне жүктеледі. Осы қызметті штаттық нығайту мәселелері де пысықталуда. Ауылдағы әрбір учаскелік инспекторға бір көмекшіні бекіту жоспарлануда, - деді ол. 

Оның айтуынша, учаскелік полиция көбінесе биліктің жалғыз өкілі болып табылады және полициядан едәуір қашықтықта бірнеше елді мекендерге қызмет көрсетеді.

Жалпы алдын ала есептеулер бойынша учаскелік және олардың көмекшілерінің штаты ішкі резервтер есебінен мыңнан астам қызметкерге ұлғайтылуы мүмкін. Қазір учаскелік полиция қызметкерлері 5 902 қызметкермен алмастырылды, ал алты жүзден астам (603) қызметкер бар, - деді ол.

Еске сала кетейік, осыған дейін учаскелік инспектордың көмекшісі мәртебесі заңнамалық түрде бекітілетіні туралы жаздық.