Шығыс Қазақстанда қар көшкіні қаупіне байланысты жол жабылды

Шығыс Қазақстан облысында қар көшкінінің орын алу қаупіне байланысты жол жабылды, деп хабарлайды BAQ.KZ "ҚазАвтоЖол" компаниясына сілтеме жасап.

Сағат 20.00-ден бастап Шығыс Қазақстан облысында қар көшкінінің өздігінен түсу қаупіне байланысты "Өскемен-Алтай-Үлкен Нарын-Катон-Қарағай-Рахман қайнары" а/ж, 6-166 км, Ушанов а.-Алтай қ. дейінгі учаскеде автокөлік құралдарының барлық түрлері үшін қозғалысқа шектеу енгізіледі, - делінген хабарламада.

Еске сала кетейік, Риддерде су тасқынына қарсы дайындық шаралары жүріп жатқаны туралы жазған болатынбыз.