ШҚО құтқарушылары елді мекендерден тыс жерге шықпауға кеңес береді

ШҚО ТЖД-да бірнеше күн бойы қарлы боран, жел және көктайғақ салдарынан құрылған жедел штаб өз жұмысын жалғастырып жатыр, деп хабарлайды BAQ.KZ.

 55-38-19 нөмірі бойынша "қауырт желі" ашылды.

2023 жылғы 5 қаңтарда сағат 20.00-де өңірде автожолдардың 14 учаскесі жабылды (оның ішінде: 6 республикалық және 9 облыстық):
1.Предгорное-Шемонаиха-Ресей Федерациясының шекарасы;
2.Герасимовка ауылы-Семей қаласы;
3.Қалбатау-Қ. Қайсенова;
4.Тарғын-Самар;
5.Абай облысының шекарасы-Шемонаиха;
6.Шемонаиха-Секисовка;
7.Шемонаиха-үлкен Өзен;
8. Конный двор Демалыс базасы -Северное;
9. Тарханка-Топиха;
10.Өскемен-Новотроицкое ауылы;
11.Өскемен-Серебрянск;
12. Өскемен-Риддер;
13.Свинчатка-Қайыңды.
14. Көкпекті-Самарское-Васильевская өткелі км 65-40
(Бастаушы ауылынан облыс шекарасына дейін)
Құтқарушылар тәулік бойы кезекшілік жүргізеді және халыққа көмек көрсетеді.

5 қаңтарда Тарбағатай ауданының Жетісу ауылдық округінде Сойлесбай учаскесінде жеңіл автокөлік қар құрсауында қалып, 4 жолаушы құтқарушылардан көмек сұрады. 15-ӨСБ қызметкерлері жолаушыларды тауып алып, оларды жол талғамайтын техникамен Қамысты ауылына жеткізді. Жолаушыларға медициналық көмек қажет емес. Ұлан ауданында Таврия ауылының маңында жеңіл автокөлік қарда қалып қойды. Салонда эвакуациялау үшін "112" қызметіне көмек сұраған 2 адам болды. Құтқарушылар оқиға орнына келіп, адамдарды қауіпті аймақтан шығарды. Зайсан ауданында құтқарушылар медициналық көмекке мұқтаж ер адамды эвакуациялады. Айта кету керек, ШҚО ТЖД алдын ала дауылды ескерту туралы ақпарат жіберген болатын. ШҚО ТЖД азаматтардан қолайсыз ауа-райында елді мекендерден шығып қауіп төндірмеуін және кетпеуін сұрайды. Жолдардың жай-күйі туралы Дармен мобильді қосымшасынан білуге болады. Төтенше жағдай кезінде 112 нөмірі бойынша хабарлау қажет. Ауа-райының нашарлауы туралы СМС-хабарлама, "Дармен"мобильді қосымшасы арқылы жіберіледі, - дейді ШҚО ТЖД баспасөз қызметі.