Шахтадағы апат. Екі адамның денесі табылды

«Қазақстан» шахтасындағы өрттен қаза болған екі адамның денесі табылды, деп хабарлайды BAQ.KZ.

Еске сала кетейік, 17 тамызда сағат 10:05-те "АрселорМиттал Теміртау" АҚ КД "Қазақстан" шахтасында көмір еңісінің қазбасында конвейер таспасы өртенген болатын.

Оқиға болған кезде жер астында 227 адам болды, оның 222-сі жер бетіне көтеріліп, бес адамды іздестіріп жатқан. Зардап шеккен екі адам реанимацияда жатқанын жазған болатынбыз.