Педагогтердің аттестациясы: Ұлттық платформа әзірленіп жатыр

Бұл туралы Оқу-ағарту министрі Ғани Бейсембаев ОКҚ алаңында өткен брифингте мәлімдеді, деп хабарлайды BAQ.KZ тілшісі.

Сонымен қатар педагогтерді аттестаттау процесі өзгереді. Аталған жүйені автоматтандыру үшін ұлттық платформа әзірленіп жатыр. Бұл - объективтілік пен ашықтықты айтарлықтай арттырады, - деп түсіндірді ведомство басшысы брифингте.

Министрдің айтуынша, 2024 жылдың қаңтарында платформа Шығыс, Батыс, Солтүстік және Түркістан облыстарында пилоттық режимде іске қосылады.

Бұған дейін педагогтерді аттестаттау жүйесіне қандай өзгеріс енгізілетінін толығырақ жазған болатынбыз. 

Сонымен қатар министр қанша мұғалім «Болашақпен» шетелде оқып жатқаны туралы айтқан болатын.