Никабқа тыйым салған дұрыс – министр

Мәдениет және ақпарат министрі Аида Балаева Мәжілістің кулуарында никаб тағуға қатысты пікір білдірді, деп хабарлайды BAQ.KZ тілшісі.

Біздің заңнамада никабқа тыйым салу нормасы жоқ. Заң аясында бұл мәселе әлі реттелмеді. Бетін тұмшалайтындар жайлы мәселені енді қараймыз. Себебі депутаттар осыны сауал ретінде жолдады, - деп айтты ведомство басшысы журналистерге.

Балаеваның айтуына қарағанда, қазір бұл мәселе жан-жақты зерделеніп жатыр.

Ол алдымен ұлттық қауіпсіздік мәселесі. Бұл тұрғыдан алып қарағанда никабтарға тыйым салған дұрыс, - деп түсіндірді Аида Балаева кулуарда.

Бұған дейін Үкімет басшысы Әлихан Смайылов діни ағымдардың қызметіне қатысты депутаттардың сауалына жауап бергенін хабарлаған болатынбыз.