Мәжіліс балалардың құқықтарын қорғайтын құжатты әзірлейді

Мәжілістің жалпы отырысында депутаттар бала құқықтарын қорғайтын заң жобасын жұмысқа алды, деп хабарлайды BAQ.KZ тілшісі.

Мәжіліс «Бала құқықтары туралы конвенцияға хабарлар рәсіміне қатысты факультативтік хаттаманы ратификациялау туралы» Қазақстан Республикасы Заңының жобасы бойынша қорытынды әзірлейді.

Мәжіліс депутаты Асхат Аймағамбетов заң жобасының негізгі мақсаты бала құқықтарын қорғауға бағытталғанын айтты.

Бұл заң жобасы балалардың құқықтарын қорғауға бағытталған. Сондай-ақ бұл - БҰҰ-ның тиісті хаттамасы. Бұл хаттамаға қосылу бойынша Президенттің де тапсырмасы бар. Сондықтан біздің комитеті осы хаттаманы жұмысқа алып, тиісті қорытынды әзірлеуге дайын, - деді депутат Мәжілістің жалпы отырысында.

Мемлекет басшысы Қасым-Жомарт Тоқаев 1 қыркүйекте халыққа арнаған Жолдауында кәмелетке толмағандарға жасалған зорлық-зомбылықтың кез келген түріне қатысты жазаны күшейтуді талап ететінін мәлімдеген болатын.