Халықтың 400 млн-ға жуық теңгесін "алып алған" қаржы пирамидасының ісі сотқа жолданды

«Chia Tai Tianging Pharmaceutical Group» қаржылық (инвестициялық) пирамидасына қатысты іс сотқа жолданды, деп хабарлайды BAQ.KZ.

Түркістан облысының прокуратурасы 2022-2023ж.ж. Төлеби ауданы аумағында орын алған «Chia Tai Tianging Pharmaceutical Group» қаржылық (инвестициялық) пирамидасының заңсыз іс-әрекеттеріне қатысты ҚК 217-бабы 3-бөлігінің 2-тармағымен қылмыстық істі сотқа жолдады.

Сотқа дейінгі тергеп-тексеру нәтижесімен қылмыстық іске 20 тұлғаның қатыстылығы анықталды. Олардың іс-әрекеті салдарынан 279 жәбірленушіге жалпы – 391,7 млн теңге материалдық залал келтірілген, - делінген хабарламада.

Тергеу барысында күдіктілердің қылмыстық жолмен табылған мүліктеріне тыйым салынды.