Францияда қатты ыстықта көлікте қалған екі бүлдіршін қаза тапты

Францияның оңтүстік-шығысындағы Карпантра қаласында отбасылық көліктен екі және төрт жастағы екі баланың мәйіті табылды.

Прокуратураның мәліметінше, балалар көлік ішінде өлі күйінде табылған. Қазіргі уақытта қайғылы оқиғаның нақты мән-жайын анықтау үшін тергеу жүргізіліп жатыр.

Жергілікті прокурор Элен Мурждің айтуынша, оқиғаның негізгі нұсқаларының бірі – аптап ыстықтың әсері.

Өлімнің нақты себебі әлі анықталған жоқ, алайда негізгі нұсқа ретінде қатты ыстық қарастырылып отыр, – деді прокурор.

Құқық қорғау органдары оқиғаның барлық мән-жайын анықтауды жалғастыруда. Сот-медициналық сараптаманың ресми қорытындысы әзірге жарияланған жоқ.

Еске салайық, бұған дейін Францияда аптап ыстыққа байланысты мектептер жабылып, төтенше шаралар күшейтілген еді.

Тағы оқи отырыңыз: