Дін жайлы заңға өзгеріс терактіге алып келмей ме? Балаева жауап берді

Дін туралы заң жан-жақты талқыланады. Мәдениет және ақпарат министрі Аида Балаева үкіметтегі баспасөз қызметінде осылай деді, деп хабарлайды BAQ.KZ тілшісі.

Үкіметтің баспасөз қызметінде өтіп жатқан брифингте БАҚ өкілі Балаеваға “Діни көзқарастағы дауды дін туралы заңдағы өзгеріс шеше ала ма? Өзгерістер теракт немесе басқа да жағдайға алып келмей ме? ” деп сұрақ қойды.

Әрбір заң мен нормативтік құжаттар қабылданғанда оның міндетті түрде салдарын ескеру керек. Сондықтан заңды жан-жақты әртүрлі санаттағы азаматтар талқылайды, – деп жауап берді Ақпарат министрі.

Ведомства басшысы депутаттар бастамашы болған мәселе бойынша жан-жақты талқылау жүргізілетінін айтады.

Талқылау кезінде ешкімнің құқығын бұзбаймыз. Бұл - маңызды, – деді министр.

Еске салсақ, Мәдениет және ақпарат министрі Аида Балаева дін мәселесі неге қоғамда қызу талқыланып кеткенін айтқан болатын.