Атыраулық 15 жыл бұрын сатқан көлігінің айыппұлын төлеп келген

Атыраулық 15 жылдан бері сатқан көлігінің салығы мен айыппұлын төлеп келген, деп хабарлайды BAQ.KZ Polisia.kz-ке сілтеме жасап.

1966 жылғы Атырау қаласынының тұрғыны өз меншігіндегі ГАЗель автокөлігін 2008 жылы сатып жіберген. 

Осы уақыттан бері ол автокөліктің барлық салықтарын, айыппұлдарын төлеп келген. Соңғы 5 жылда ГАЗель автокөлігін іздеп, 2022 жылы Атырау облысы ПД Әкімшілік полиция басқармасының бастығы полиция подполковнигі Руслан Мажитовтың қабылдауында болған. 

Автокөліктің Алматы облысы Қаскелең қаласында жүргендігі анықталып, қазіргі иесі табылды. Қала тұрғыны автокөлікті тіркеуден шығарды. Қазіргі иесі осы жылдың 20 наурызы күні автокөліктің 800 мың теңге көлеміндегі салықтары мен айыппұлдарын өтеуге келіскен. 

Атыраулық тұрғын полиция қызметкерлеріне алғыс айтты.