Ақтөбеде полицейлер есірткі жасырушыны ұстады

Қала шетінде жүргізілген жедел іс-шаралар барысында полиция қызметкерлері күдікті жігітті ұстады, деп хабарлайды Polisia.kz.

Жеке тінту кезінде одан ұнтақ зат салынған 24 орам тәркіленді.

Сараптама тәркіленген заттың «мефедрон» екенін көрсетті. Онымен қоса, күдікті есірткі жасырылған бірнеше жер туралы айтты. 

Аталмыш факті бойынша сотқа дейінгі тергеу басталды. Ұсталған күні 21 жасқа толған жігіт уақытша ұстау изоляторына қамалды.