АҚШ-та әлемдегі ең үлкен пицца пісірілді

АҚШ-тың Калифорния штатында әлемдегі ең үлкен пицца пісіріліп, Гиннестің рекордтар кітабына енді, деп хабарлайды BAQ.KZ Хабар 24-ке сілтеме жасап. 

Оның жалпы ауданы – 1300 шаршы метр. Шара ұйымдастырушыларының айтуынша, тағамды әзірлеуге 6 тонна қамыр, 4 тонна ірімшік пен 2 тонна тұздық кеткен. Бұған дейінгі рекорд 2012 жылы орнатылған болатын. Сол кезде аспаздар ауданы 1200 шаршы метр болатын пицца пісірген еді.