Алматыдағы COVID-19 ошағында қалған азаматтардың жұмыс орны сақталады
Нұр-Сұлтан, BAQ.KZ. Жаңа карантиндік жағдайға сәйкес қала ішіндегі тұрғындардың өмірі мен шаруашылық және басқа да "арнайы" режимге өтеді.
Инфекцияны жұқтырғандар тұратын пәтерлер оқшауланып, барлық ауданы залалсыздандырылады. Атап өтетін жайт, барлық меншік үлгісіндегі кәсіпорындар мен мекемелер COVID-19 вирусын жұқтырғандармен байланысып, оқшауда қалған азаматтардың жұмыс орны мен еңбекке жарамсыздық парағы бойынша жәрдемақысын төлеуге міндетті, - делінген хабарламада.
Шектеу немесе тексеру шараларын өткізу барысында сақтық шараларына ерекше мән беріледі. Қалалық арнайы қызмет мекемелерінің өкілдері жеке басты қорғау құралдарымен жабдықталып, блок-посттарда тазалық сақтау құрылғылары орнатылады.
Сонымен қатар, үй карантинін сақтамағандар ҚР заңнамасына сәйкес жауапқа тартылады. Қала билігі тұрғындарды төтенше жағдай режиміне түсінушілікпен қарап, тәртіпке бағынып, аса қатты қажеттіліксіз сыртқа шықпай, барлық сақтық шараларын орындауға шақырады.
Коронавирус жұқтырғандармен байланыста болғандар:
- тұрғылықты мекенінде немесе жұмыс орнында вирус жұқтырушымен соңғы кездескен уақыттан бастап инкубациялық кезең бойына (14 күн ) өзін-өзі оқшаулау режимін қатаң сақтау (үй карантині, сыртқа шығуға тыйым салынады) қажет
- жанұя мүшерінің денсаулығын жіті бақылауда ұстаған дұрыс
- ЖРВИ (дене қызуы, тұмау, жөтел) белгілері байқалған жағдайда жедел жәрдем шақыруы тиіс
Сұрақтар бойынша тәулік бойы қызмет көрсететін колл-центр – 1406 және Open Almaty – 1308 нөмірлеріне хабарласуға болады. Аурудың асқынған белгілері анықталған жағдайда жедел түрде 382-33-50 нөмірі бойынша қаланың санитарлық-эпидемиологиялық қызметіне хабарласа аласыздар.
Ресми ақпараттарды Алматы қаласы әкімдігі сайты мен әлеуметтік желідегі парақшаларынан алуға болады. Қосымша ақпарат StopcovAlmaty телеграм парақшасынан таба аласыздар.
Еске салайық, Алматыдағы "Сұңқар" тұрғын үйінен коронавирустың алғашқы ошағы анықталған болатын және 19 наурыздар бастап Нұр-Сұлтан және Алматы қалаларында карантин жарияланды. Қалаға тұрғындардың кіріп-шығуы шектелді.