Алматыдағы Сайран көлінен ішек таяқшалары анықталды

Алматыдағы Сайран көлінен ішек таяқшалары анықталды
563

Нұр-Сұлтан, BAQ.KZ. Алматыдағы Сайран су қоймасынан ішек таяқшалары анықталды. Мамандар енді көлге түсу өте қауіпті екенін айтты, деп хабарлайды Egemen.kz.

Бұл мәселе бойынша Төтенше жағдайлар департаменті санитар дәрігерлермен бірлесе отырып жиын өткізді. Нәтижесінде қоймадағы суды толық ағызып жіберу туралы шешім қабылданды. Себебі, алынған сынама нәтижесі зиянды заттардың деңгейі қалыпты мөлшерден бес есеге артқанын анықтаған.

Төтенше қызмет мамандарының хабарлауынша, соңғы кезде күннің ысуына байланысты Сайранға шомылатын тұрғындардың саны күрт көбейген.

Осыған байланысты арнайы құрылған комиссия тексеру жұмыстары аяқталғанша тұрғындарды суға түспеуге шақырады.

Көлдегі суды ағызып жіберуге кемі 2-3 күн уақыт кетеді. Кейін қойманы қайта толтыру жоспарланған.


Фото: ашық дереккөз